Skip navigation links
Chwilio'r wefan am ...
Y llyfrgell ei hun

Am fod gan y Llyfrgell yr hawl cyfreithiol i dderbyn copi o bopeth sy'n cael ei gyhoeddi ym Mhrydain ac Iwerddon - mae tua 4,000 o eitemau newydd yn cyrraedd i'w catalogio bob wythnos!

Gweithiwch y swm - faint mewn blwyddyn?


Erbyn hyn mae'r casgliad yn cynnwys tua:

Deugain mil o lawysgrifau, (40,000)
Trigain mil a mwy o luniau, (60,000)
Pedair miliwn a hanner o lyfrau, (4,500,000)
Tros filiwn yn y casgliad mapiau, (1,000,000)
Swm anferthol y casgliadau wedi'u cyfri mewn ffigyrau.

 

Ffeithiau Diddorol Eraill

Petaech yn gosod holl silffoedd y Llyfrgell mewn un rhes, bydden nhw'n ymestyn am 120 o filltiroedd! Erbyn hyn mae 78 milltir ohonynt yn llawn.Beth sydd 33 o weithiau yn uwch na mynydd Everest? Yr holl lyfrau sydd yng nghasgliad y Llyfrgell Genedlaethol, un ar ben y llall!Nid yw popeth sy'n cael ei gadw yn y Llyfrgell wedi ei ysgrifennu yn Gymraeg, neu a chysylltiad â Chymru a'r gwledydd Celtaidd. Gallwch ddod o hyd i amrywiaeth helaeth o ieithoedd, diwylliannau, a thestunau. Mae gan y Llyfrgell fapiau mewn gwahanol ieithoedd, ac o holl wledydd y byd. Mae un cyfres o fapiau sydd yn dangos Cymru - ond gyda'r enwau lleoedd yn Rwsieg. Pam? Am fod y mapiau yn rhan o arolwg a wnaeth yr Undeb Sofietaidd yn dangos y Deyrnas Unedig yn ystod y Rhyfel Oer.Mae gan y Llyfrgell archif o 15,000 o bortreadau. Hwn yw'r detholiad mwyaf o bortreadau Cymreig mewn unrhyw gasgliad cenedlaethol!Yr eitem hynaf yng nghasgliad y Llyfrgell yw darn o bapyrus sy'n dyddio o'r flwyddyn 113 O.C. Mae'n un o dri darn a ddaeth o dref Oxyrhynchus yn yr Aifft. Rhoddwyd y darn i'r Lyfrgell yn 1922 gan Gymdeithas Ddarganfyddol yr Aifft. Mae un ystafell yn y Llyfrgell wedi ei gorchuddio o'r llawr i'r nenfwd mewn copr. Yr enw ar y math yma o ystafell yw Faraday cage. Pam? Cafodd ei henwi ar ôl Michael Faraday, sef y gwyddonydd a ddarganfyddodd effeithiau electromagneteg.....ond beth sy'n cael ei gadw yn yr ystafell hon? Casgliad Archif Sgrin a Sain Cenedlaethol Cymru o ffilmiau, rhaglenni teledu a thapiau sain. Mae'r leining copr yn gwarchod y cyfan rhag effeithiau magneteg. Ymhlith y 750,000 o ddelweddau ffotograffeg sydd yng nghasgliad y Llyfrgell mae'r ffotograff Cymreig dyddiedig cynharaf. Llun yw e o Gastell Margam, a dynnwyd gan y Parchedig Calvert Richard Jones ar y 9fed o Fawrth, 1841.Mae'r Llyfrgell yn cynnwys ambell beth digon rhyfedd - er engrhaifft, cudyn o wallt William Williams, Pantycelyn, yr emynydd enwog. Gwallt lliw cochlyd oedd ganddo.

 

--------------------------------------------------------------------------------------

 

LogoEnglishCymorthempty
Y Llyfrgell ein hun

Ffeithiau Diddorol bwled
Yr Adeilad bwled
Y Gwaith bwled
Y Casgliad bwled